Bakıda “Heydər Əliyev kuboku-2025” boks turniri keçiriləcək

Mayın 16-da yeniyetmə oğlan və qız boksçular arasında “Heydər Əliyev kuboku-2025” beynəlxalq turnirinə start veriləcək.

Allsport.az xəbər verir ki, Bakı boks mərkəzində keçiriləcək ənənəvi yarışda Azərbaycanla yanaşı, Özbəkistan, Qazaxıstan, Monteneqro, Rusiya, Belarus, Türkiyə və Gürcüstanın yığmaları iştirak edəcəklər.

200-dən çox boksçunun qatılacağı turnirdə oğlanların mübarizəsində 14, qızlarda 9 çəki dərəcəsi üzrə qaliblər müəyyənləşəcək.

“Heydər Əliyev kuboku-2025″in final görüşləri mayın 21-də olacaq.

Azərbaycan yığması yarışda geniş heyətlə mübarizə aparacaq. Komandanın baş məşqçisi Vaqif Kazımov turnirdə 60 yeniyetməni sınaqdan keçirəcək.

Yarışın ilk günü saat 14:00-da açılış mərasimi təşkil olunacaq, ardınca döyüşlər başlayacaq.

“Heydər Əliyev kuboku-2025″in supervayzeri İqor Biletski (Ukrayna), baş hakimi Anar Babanlı olacaq.