“Borussiya” “Qəbələ” ilə oyun öncəsi daha bir qələbə qazandı

Almaniya Bundesliqasında 11-ci turun oyunları keçirilib. Allsport.az xəbər verir ki, Avropa Liqasının qrup mərhələsində “Qəbələ”nin rəqibi olan Dortmund “Borussiya”sı da növbəti matçına çıxıb.

Sözügedən klub səfərdə “Verder”lə qarşılaşıb. Matç “Borussiya”nın 3:1 hesablı qələbəsi ilə başa çatıb.

Qeyd edək ki, geridə qalan turlarda 26 xal toplayan “Borussiya” ikinci pillədə qərarlaşıb.