“Bu yarış idmançılarımız üçün mühüm təcrübə olacaq”

Badminton üzrə Azərbaycan komandasının baş məşqçisi Murtuza Vəlidarvi açıqlama verib.

Allsport.az xəbər verir ki, o, paytaxtımızda keçiriləcək qarışıq komandaların Avropa çempionatı haqda danışıb:

“Biz çox güclü qrupda mübarizə aparacağıq. Bu yarış idmançılarımız üçün mühüm təcrübə olacaq. Burada dünyanın müxtəlif ölkələrindən güclü badmintonçular iştirak edəcək. Bizim komandamızda 14 yaşında idmançı da var. Onu heyətə cəlb etməkdə əsas məqsədimiz belə bir yarışda təcrübə qazanmasında şərait yaratmaqdır. Ümumiyyətlə, millimizin yarısı gənclərdən ibarətdir”.