Cəmşid ehtiyatda qaldı, komandası Subaşiçi sevindirdi

Türkiyə PTT 1-ci liqasında 21-ci turun oyunları keçirilib. Allsport.az xəbər verir ki, azərbaycanlı futbolçu Cəmşid Məhərrəmovun komandası – “Adanaspor” səfərdə Azərbaycan yığmasının sabiq hücumçusu Branimir Subaşiçli “Manisaspor”la qarşılaşıb.

Oyun 2:1 hesabıyla Manisa klubunun xeyrinə başa çatıb. Subaşiç 80 dəqiqə oynadığı halda, Məhərrəmov sonadək ehtiyatda qalıb.

Qeyd edək ki, “Adanaspor” hazırda 25 xalla 13-cü, “Manisaspor” isə 20 xalla 15-cidir.