Forgot Password New Account
Gəzən xəbər

“COVİD-ə görə qrupdan geri qalanları yürüşü davam etdirməyə imkan vermirdilər”

Olimpizm
25 iyul 2021 / 21:41 Baxış sayı: 218

Elçin Əsədovun Tokio oyunlarında şose yarışında finişə çata bilməməsinin əsl səbəbi bəlli olub. Allsport.az saytı xəbər verir ki, buna velosipedçimiz özü aydınlıq gətirib:

“Yarışın qaydalarında belə bir müddəa var ki, liderdən böyük fərqlə – 20-30 dəqiqə qalan hər hansı idmançı problemlə üzləşdikdə, yürüşdən çıxarıla bilər. Bu hədd yarışdan fərqli olaraq dəyişir. Rəqabətə yaxşı başlamışdım, xeyli müddıt ön cərgədə oldum. Sonra bir az geri qaldım. Eyni zamanda, ayağımda qıcolma baş verdi. Ola bilsin, istidən olsun.

Velosiped idmanında bu normal durumdur. Tez-tez bu halla üzləşirik. Amma məndə ilk dəfəydi. 17 min kilometr məşq etmişdim. 2-3 təlim-məşq toplanışı keçmişəm. Belə şey olmamalıydı.

126-cı km-də qrup mənə çatdı, 140-da geri qaldım. COVİD-19-dan irəli gələn qaydaya görə, belədə velosipedçiləri mübarizəni davam etdirməyə icazə vermirlər. Üzgünəm, amma çalışacağam ki, gələcək mötəbər yarışlarda yenidən fəxri kürsüyə çıxım”.

 

Həmin kateqoriyadan