Cüdo məşqçisi vəfat etdi

Yanvarın 12-i Bakı şəhəri 2 saylı respublika ixtisaslaşdırılmış olimpiya ehtiyatları uşaq-gənclər idman məktəbinin cüdo üzrə baş məşqçisi Rüfət Süleymanov vəfat edib. Allsport.az xəbər verir ki, bu barədə federasiya məlumat yayıb.

Rüfət Süleymanov 25 sentyabr 1983-cü ildə anadan olub. 2003-cü ildə Azərbaycan dövlət bədən tərbiyəsi və idman akademiyasını bitirib. 2004-2012-ci illərdə daxili işlər nazirliyinin idman cəmiyyətində cüdo məşqçisi kimi fəaliyyət göstərib.

Onun tələbələri Azərbaycan birinciliklərinin və beynəlxalq yarışların qalibləri və mükafatçıları olublar.

Allah rəhmət eləsin!