Forgot Password New Account

Dövlət Bayrağı Günündə ənənəvi veloyürüş

Velosiped idmanı
9 noyabr 2014 / 19:25 Baxış sayı: 736

9 noyabr – Dövlət Bayrağı Günü ilə əlaqədar Azərbaycan Respublikasının Nazirlər Kabineti yanında Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyasının birgə təşkilatçılığı ilə “Bayrağımız – qürur mənbəyimizdir!” devizi altında veloyürüş keçirilib.

Allsport.az saytı xəbər verir ki, tədbirdə ölkənin müxtəlif yaş qrupları üzrə yığma komandalarının üzvləri ilə yanaşı, 200-dən artıq həvəskar velosipedçi iştirak edib. Onların arasında Bakı-2015-in nümayəndələri də olub.

İştirakçılar Bayraq Meydanı – Azneft prospekti – Dəniz limanı – Heydər Əliyev Mərkəzi və əksinə istiqamətdə hərəkət ediblər. 18 km-lik yürüş paytaxt sakinləri tərəfindən böyük maraqla qarşılanıb. Veloyürüş başladığı yerdə – Dövlət Bayrağı Meydanında başa çatıb.

Qeyd edək ki, Dövlət Bayrağı Meydanı Kompleksi İdarəsi və Azərbaycan Velosiped İdmanı Federasiyası tərəfindən təşkil edilən və birliyimizi əks etdirən yürüş artıq ənənə halını alıb və hər il Dövlət Bayrağı günündə keçirilir.

Həmin kateqoriyadan