Dövlət Bayraq Günü münasibəti ilə reqbi üzrə açıq turnir

Bakıda 9 noyabr – Dövlət Bayraq Gününə həsr olunan reqbi üzrə açıq turnir keçiriləcək. Allsport.az saytı xəbər verir ki, turnirdə Gürcüstan və Rusiya komandalarının da iştirakı gözlənilir.

Bu rəqabətə hazırlıq məqsədi ilə “İnter Arena” və “Tissa” Şirkətlər Qrupunun stadionunda reqbi üzrə Bakı şəhər açıq çempionatı da təşkil edilib.

Bakı Şəhər Gənclər və İdman Baş İdarəsinin keçirdiyi yarışın nəticələrinə görə, çempionatda birinci yeri 132-134 saylı Təhsil Kompleksi, ikinci yeri Bakı Reqbi Klubu, üçüncü yerı “Tissa” komandasi tutub.