Dünya birinciliyində daha bir cüdoçumuz bürünc medal qazandı

Dohada gənc cüdoçular arasında dünya birinciliyi davam edir. Allsport.az saytı xəbər verir ki, yarışın 3-cü günündə daha bir idmançımız fərqlənib. 90 kq-da çıxış edən Firudin Dadaşov da fəxri kürsünün 3-cü pilləsinə qalxıb.

Dünən Hidayət Heydərov (66 kq) eyni nəticəni göstərmişdi. Yarışa sabah yekun vurulacaq. Son rəqabətdə bir təmsilçimiz tatami üzərinə çıxacaq. Bu, Cəlil Şukürovdur (100 kq).