Forgot Password New Account
Gəzən xəbər

Dünya çempionatında ölkəmizi hansı boksçular təmsil edəcək?

Boks
5 sentyabr 2019 / 12:02 Baxış sayı: 310

Sentyabrın 8-də Rusiyanın Yekaterinburq şəhərində boksçuların dünya çempionatı start götürəcək. Allsport.az saytı xəbər verir ki, 14 gün davam sınaqda ölkəmizi baş məşqçi Nəriman Abdullayevin rəhbərliyi ilə Məsud Yusifzadə (52 kq), Tayfur Əliyev (57 kq), Bəxtiyar Qazıbəyov (63 kq), Lorenzo Sotomayor (69 kq), Amin Kuşkov (75 kq), Alfonso Dominqes (81 kq), İsmayıl Yaqubov (91 kq) və Məhəmməd Abdullayev (+91 kq) təmsil edəcəklər.

Bu gün axşam saatlarında Rusiyaya yollanacaq komanda sentyabrın 22-də Vətənə dönəcək. Dünya çempionu Cavid Çələbiyev, olimpiya mükafatçısı Kamran Şahsuvarlı zədə səbəbindən mundialı buraxacaqlar. 3-qat dünya çempionu Məhəmmədrəsul Məcidov peşəkar boksa keçdiyindən millidə yer almayacaq.

Qeyd edək ki, dünya çempionatı yeni qaydalara əsasən 8 çəkidə təşkil olunacaq. Yekaterinburqda EXPO Arenada baş tutacaq yarışda 87 ölkədən 450 boksçu mübarizə aparacaq. Açılış mərasimi sentyabrın 8-də olacaq mundialda təsnifat mərhələsinin döyüşləri ayın 9-17-də keçiriləcək. Sentyabrın 18-də boksçular 1/4 final mərhələsinin qarşılaşmalarına çıxacaqlar. Ertəsi gün istirahət edəcək idmançılar sentyabrın 20-də yarımfinal görüşlərini keçirəcəklər. Qaliblərin adına isə ayın 21-də aydınlıq gələcək.

Həmin kateqoriyadan