Forgot Password New Account
Gəzən xəbər

Dünya güləş birliyi gələn ilin təqvimində dəyişikliklər etdi

Güləş
23 dekabr 2020 / 16:17 Baxış sayı: 133

Dünya güləş birliyi (UWW) 2021-ci ilin yarış təqviminə dəyişikliklər edib. Allsport.az saytı xəbər verir ki, buna səbəb pandemiyanın daha da güclənməsidir. Öncə yanvarda keçirilməsi planlaşdırılan Matteo Pellikone turniri mart ayına təxirə salınıb. Reytinq xarakterli yarış martın 4-dən 7-dək Romada baş turacaq.

Fevralda təşkili nəzərdə tutulan Avropa çempionatı isə apreldə baş tutacaq. Aprelin 19-dan 25-dək Polşanın paytaxtında qitənin ən güclü güləşçiləri müəyyənləşəcək. Varşavada reytinq xarakterli turnir də keçiriləcək. Bu yarışın vaxtı isə 8-13 iyun tarixləri olacaq. 

Gələn ilin ilk lisenziya yarışı sayılan Avropa olimpiya təsnifat turniri öz vaxtında – 18-21 mart tarixlərində Macarıstanın paytaxtı Budapeştdə keçiriləcək.

Ancaq dünya olimpiya ələməsi daha öncə açıqlanan tarixdən bir həftə sonra baş tutacaq. Belə ki, olimpiadaya son lisenziyaların veriləcəyi yarış mayın 6-dan 9-dək Bolqarıstanın paytaxtı Sofiyada reallaşacaq.

Qeyd edək ki, gələn ilin ilk beynəlxalq yarışları yanvarın ortalarında Fransa (Nitsa) və Xorvatiyada (Zaqreb) keçiriləcək qran-prilər olacaq.

Həmin kateqoriyadan