Eldəniz Əzizli: “Bu fürsət bir də bizə düşməyəcək”

5-6 noyabrda Bakı idman sarayında yunan-Roma güləşi üzrə dünya kuboku keçiriləcək. Allsport.az saytı xəbər verir ki, bu gün yarışın keçiriləcəyi məkanda mətbuat konfransında millinin 55 kq-da öncülü Eldəniz Əzizli tarixi fürsətdən yararlanmaq istədiklərini qeyd etdi:

“Azərbaycan millisi son dünya və Avropa çempionatlarında diqtə edib. Qitənin ən güclülərin yarışında biz 1-ci, Türkiyə 2-ci oldu. Dünya çempionatında yerlərimizi dəyişdirdik. Evdə məsuliyyətimiz çoxdur. Doğma divarlar arasında azarkeşlərimizi sevindirməyə çalışacağıq.

Rafiq Hüseynovla mən komandada yaşlılardandıq. Bu fürsət bir də bizə düşməyəcək. O üzdən evdə dünya kubokuna sahib çıxmaq istəyirik”.

Həmin kateqoriyadan

AzerbaijaniEnglishRussianTurkish