Elşad Əhmədov: Əvvəlkindən fərqli, bu dəfə qol fürsətlərini dəyərləndirə bildik

“Sabah” yoxlama oyununda “Zirə”yə 5:3 qalib gəlib. Allsport.az saytı xəbər verir ki, görüşdən sonra qalib komandanın baş məşqçisi Elşad Əhmədov bunu deyib:

“Hazırlıq çərçivəsində ilk yoxlama oyununu keçirdik. Komanda gündə iki dəfə məşq edir. Fiziki yüklənmədən sonra futbolçuları oyunda yoxlamaq istəyirdik. Hər hissədə fərqli heyətlərə şans verdik.

Taktiki-texniki cəhətdən futbolçulardan heç bir tələbimiz yox idi. Əsas olan hərəkətlilik idi. Məncə, futbolçular fiziki yüklənməyə rəğmən normal təsir bağışladılar. Sevindiricidi ki, əvvəlkindən fərqli olaraq, qol fürsətlərini dəyərləndirə bildik”.