Elvin Məmişzadə: Uğurun davamını Rio olimpiadasında da gətirməliyəm

Qətərdə keçirilən boksçuların dünya çempionatında baş mükafata sahib çıxan Elvin Məmişzadə (52 kq) uğurun davamını Rio-2016-da gətirmək istəyir. Allsport.az saytı xəbər verir ki, KİV nümayəndələri ilə görüşdə o, qarşıdakı hədəfini açıqlayıb:

«Birinci Avropa Oyunların 1-ci yeri tutdum. Çox şükür olsün ki, Dohada təşkil olunan dünya çempionatında da qızıl medal qazana bilidim. Amma qələbələrdən arxayınlaşmamalı, hazırlığımı daha artırmalıyam. Çünki qarşıda bizi Rio olimpiadası gözləyir. Həmin oyunlarda da ən yüksək mükafata sahib çıxmaq niyyətindəyəm».