“Ən çətin görüşüm yarımfinalda oldu”

Şimali Makedoniyanın paytaxtı Skopyedə yeniyetmələrin Avropa çempionatında yunan-Roma güləşçimiz Rihad İbrahimli (110 kq) qalib olub. Allsport.az saytı xəbər verir ki, o, hava limanında sevincini KİV-lə bölüşüb: 

“Şükür Allaha, çempion oldum. Belarus və Polşa güləşçilərinə qalib gələrək yarımfinala yüksəldim. Ən çətin görüşüm yarımfinalda oldu. Ukraynalı rəqibimi 4:1 hesabıyla üstələdim.

Finalda isə bolqarıstanlı güləşçini “tuş”la məğlub etdim. Dünya çempionatında da qızıl medal qazanmağı hədəfləmişəm. İnşallah, yaxşı məşq edib, buna nail olacağıq”.