Fərid Qayıbov YUNESKO-nun bədən tərbiyəsi və idman komitəsinin iclasına sədrlik edir

Oktyabrın 27-də Fransa paytaxtı Paris şəhərində, YUNESKO-nun baş qərargahında bədən tərbiyəsi və idman üzrə hökumətlərarası komitənin (CIGEPS) növbəti iclası öz işinə başlayıb. Allsport.az saytı xəbər verir ki, pandemiya səbəbindən, 2019-cu ildən bəri onlayn keçirilən tədbir 3 ildən sonra ilk dəfədir ki, fiziki formatda baş tutur. İclasa gənclər və idman naziri Fərid Qayıbov sədrlik edir.

İki gün davam edəcək iclasın açılış hissəsində YUNESKO Baş direktorunun sosial və humanitar elmlər üzrə müavini Qabriyela Ramos, daha sonra CIGEPS-in sədri Fərid Qayıbov çıxış ediblər.

İclas zamanı, komitənin gündəliyində duran bir sıra önəmli məsələlərin, Covid-19 pandemiyasından sonra idman sahəsinin vəziyyəti, MINEPS-in VII konfransı çərçivəsində qəbul olunması nəzərdə tutulan Yekun Bəyannamə sənədinin müzakirəsi, eləcə də CIGEPS işçi qruplarının və CIGEPS-in prosedur qaydalarına yenidən baxılması məsələlərinin müzakirə edilməsi nəzərdə tutulur.

Komitə iclası çərçivəsində, 2023-cü ilin 14-17 mart tarixlərində Bakı şəhərində keçirilməsi planlaşdırılan bədən tərbiyəsi və idman üzrə nazirlərin və yüksək vəzifəli şəxslərin VII beynəlxalq konfransının keçirilməsi ilə bağlı YUNESKO ilə ev sahibi müqaviləsinin imzalanması da nəzərdə tutulur.

Həmin kateqoriyadan

AzerbaijaniEnglishRussianTurkish