Fəriddən dubl

Çex Respublikasının I liqasında 23-cü turun oyunları keçirilir. Allsport.az xəbər verir ki, Fərid Nəbiyevin formasını geyindiyi “Viktoriya” öz meydanında “Vlasim”lə qarşılaşıb və qalib gəlib – 3:1.

Fərid start heyətdə meydana çıxıb və 78-ci dəqiqədə əvəzlənib. Komandasına qələbə qazandıran qolları da Nəbiyev vurub. O, 21 və 37-ci dəqiqələrdə fərqlənib.

Bu qələbə sayəsində xalını 36-ya çatdıran “Viktoriya” turnir cədvəlində 4-cü pilləyə yüksəlib.