Frişman hakimlərin işini qiymətləndirəcək

Azərbaycan voleybol federasiyasının kommunikasiya şöbəsinin beynəlxalq əlaqələr üzrə mütəxəssisi Mixail Frişman Avropa voleybol konfederasiyası tərəfindən (CEV) növbəti dəfə təyinat alıb.

Allsport.az xəbər verir ki, Frişman qadın voleybolçular arasında (U-22) 2026 Avropa çempionatının təsnifat mərhələsinin oyunlarında iştirak edəcək. O, 4-6 iyulda Latviyada baş tutacaq “B” qrupunun oyunlarında supervayzer kimi hakimlərin işinə qiymət verəcək.

Burada ev sahibi ilə yanaşı, Danimarka və Ukrayna komandaları mübarizə aparacaqlar.