“Futbolun gələcəyi oradadır”

“Barselona”nın sabiq yarımmüdafiəçisi İvan Rakitiç, Səudiyyə Ərəbistanı çempionatının Avropanın yüksək liqaları ilə rəqabət apara biləcəyini bildirib:

“Əla idi, orada xoşbəxt idim. Əminəm ki, futbolun gələcəyi oradadır. Yerli çempionat hələ premyer liqa, bundesliqa və ya la liqa səviyyəsində deyil, lakin bu istiqamətdə ilk addımlar artıq atılıb”.

Allsport.az saytı xəbər verir ki, 36 yaşlı xorvatiyalı 2024-cü ilin əvvəlindən Səudiyyə Ərəbistanının “Əl-Şəbab” klubunda çıxış edib. Bu yay “Hayduk”la müqavilə imzalayıb.