“Hədəflərim böyükdür”

Şimali Makedoniyada keçirilən U17 Avropa çempionatında birinci olan millimiz vətənə dönüb.

Allsport.az xəbər verir ki, yarışda çempion olan Səid Paşayev Heydər Əliyev beynəlxalq hava limanında fikrini bölüşüb:

“Şükürlər olsun ki, çempion oldum. Bu yolda mənlə gedənlərə təşəkkür edirəm. Bu qələbə yalnız mənim yox, ailəmin, komandamın, məşqçilərimin və mənə inanan hər bir insanın qələbəsidir. Xüsusilə mənimlə bir əziyyət çəkən müəllimlərə təşəkkürümü bildirirəm. Onlar olmasa idi, mən burda durmazdım. Hədəflərim böyükdür. İnşallah, hədəflərimə çatmaq üçün hər bir şey edəcəyəm”.