Forgot Password New Account

“Hər bir görüş finala bərabər olacaq”

Futzal
12 iyul 2022 / 16:21 Baxış sayı: 33

Dünya çempionatının əsas mərhələsində futzalçılarımız 6-cı qrupda Polşa və Yunanıstanla qarşılaşacaq. Allsport.az saytı xəbər verir ki, oyunlar ev-səfər prinsipi ilə keçiriləcək. Qrup qalibləri elit-raunda birbaşa vəsiqə qazanacaqlar. Millinin müdafiəçisi Eduardo Borges rəqiblər barədə bunu deyib:

“Həmişəki kimi, bizi gərgin mübarizə gözləyir. Çətin olacaq. Polşaya qarşı oynamamışam. Onların gücü haqda bir söz deyə bilmərəm. Amma onlarla müqayisədə Yunanıstan nisbətən zəifdir. Əlbəttə, hər oyunun öz məsuliyyəti, gedişatı var. Bizim üçün hər bir görüş finala bərabər olacaq. Komandanın hər zamankı kimi bir məqsədi var: əsas mərhələni birinci pillədə başa vurmaq və elit-raunda yüksəlmək.

Başqa yolumuz da yoxdur. Növbəti mərhələ haqda isə işimizin öhdəsindən gəldikdən və oradakı rəqiblərimiz müəyyənləşdikdən sonra danışmaq olar. İstəyirik yenidən dünya çempionatının final mərhələsinə yüksələk. Bacarmaq üçün əlimizdən gələni edəcəyik. İşimiz çoxdur, yaxşı hazırlıq keçməliyik”.

Həmin kateqoriyadan