“İmişli” onu ziyarət etdi

“İmişli” fiziki məhdudiyyətli gənc Hüseyn İsmayılovun ailəsini ziyarət edib və ona xüsusi hədiyyələr təqdim edib.

Allsport.az xəbər verir ki, Hüseyn İsmayılov uşaq yaşlarından peşəkar futbolla məşğul olub. Lakin 15 yaşında məşq zamanı aldığı ağır baş zədəsindən sonra ona iflic diaqnozu qoyulub.

Artıq 10 ildir ki, Hüseyn əlil arabasında hərəkət edir.

Ziyarət zamanı “İmişli” tərəfindən Hüseynə əlil arabası hədiyyə edilib. Eyni zamanda komandanın rəsmi köynəyi də gənc futbolsevərə təqdim olunub.