“İrəli baxmaq lazımdır”

Azərbaycan kubokunun 1/4 final mərhələsinin ilk oyununu çərçivəsində keçirilən “Kəpəz” – “Neftçi” oyunundan (0:2) sonra meydan sahibinin baş məşqçisi Azər Bağırovun mətbuat konfransı keçirilib.

Allsport.az xəbər verir ki, o, oyun barədə bunu deyib:

“Maraqlı oyun oldu. Yeni futbolçularımızı meydanda görmək üçün imkan əldə etdik. Məncə, pis təsir bağışlamadılar. Oyun ərzində qol epizodları yaradırıq və bunlardan maksimum istifadə etməyi bacarmalıyıq. Amma reallaşdırmaqda problemlərimiz var. Hər hissədə 3-4 qol vəziyyətlərimiz oldu. Fürsət biz tərəfdə deyildi. Xeyirlisi nədirsə, o da olsun. İrəli baxmaq lazımdır”.