İstanbul derbisində “Qalatasaray” tərəfdarları olmayacaq

Allsport.az saytı xəbər verir ki, Türkiyə superliqasının 18-ci turunda “Fənərbağça” ilə səfər oyununu stadiondan izləyə bilməyəcəklər. Qonaq tərəfdarlar Şükrü Saracoğlu adına stadiona buraxılmayacaqlar.

Buna görə də onlar üçün nəzərdə tutulan biletlər də yerli azarkeşlərə satılacaq. Bu addımın təhlükəsizlik səbəbindən atıldığı qeyd olunub.

Yanvarın 8-də “Fənərbağça” – “Qalatasaray” matçı Bakı vaxtı ilə saat 20:00-da başlayacaq.