“Kəpəz” yığma komandamızın üzvünü transfer etdi

“Kəpəz” Peşəkar Futbol Klubu heyətinə daha bir futbolçu cəlb edib. Allsport.az xəbər verir ki, Azad Kərimov bu komandanın sıralarına qatdığı növbəti oyunçu olub. Gənc müdafiəçi “Bakı” FK-dan transfer olunub.

Kərimov 21 yaşlı futbolçulardan ibarət milli komandamızın da şərəfini qoruyur. Futbolçu ilə bir illik razılaşma əldə olunub.

“Kəpəz” PFK Azad Kərimovun keçidinə göstərdiyi köməyə görə “Bakı” FK-ya minnətdarlığını bildirib.