“Kubokda növbəti rəqibimiz “Qarabağ”dır”

Azərbaycan kubokunun 1/8 final mərhələsinin “Qəbələ” – “Araz Naxçıvan” oyunundan (5:0) sonra meydan sahiblərinin baş məşqçisi Elmar Baxşıyevin mətbuat konfransı keçirilib. Allsport.az saytı sizi 42 yaşlı mütəxəssisin fikri ilə tanış edir:

“Neçə tur idi ki, komanda hücumda olurdu, amma şansları dəyərləndirə bilmirdi. Lakin bu oyunda hücumda fərqli idik. Daha çox hücumda fikirləşdiklərimizi meydanda göstərməyə çalışırdıq. İnamlı qələbə qazandıq. Komandamı təbrik edirəm. Kubokdakı növbəti rəqibimiz “Qarabağ”dır.

Komanda olaraq hazırlaşacaq və layiqli müqavimət göstərməyə çalışacağıq. Heyətimizdə az oynayan futbolçulara da şans verdik. Bilirdik ki, bir az çətin olacaq. Komanda düzgün reaksiya verdi və daha yaxşı oynadı. Heç bir oyundan əvvəl uduzmağı düşünmürük.

“Qarabağ”ın gücü bəllidir. Futbolda oyundan əvvəl heç kim təslim olmur. Həmin qarşılaşmalara motivasiya olacaq və uğurlu nəticə üçün maksimum etməyə çalışacağıq. Komanda tur adlamaq üçün əlindən gələn hər şeyi edəcək”.

Həmin kateqoriyadan

AzerbaijaniEnglishRussianTurkish