Lebron Ceymsdən unikal göstərici

“Los Anceles Leykers”in hücumçusu Lebron Ceyms NBA-da daha bir uğura imza atıb.

Allsport.az xəbər verir ki, Ceyms Şimali Amerika liqası tarixində müntəzəm mövsümdə 40+ xal toplayan ən gənc və ən yaşlı oyunçudur.

Lebron 41 xal toplayanda 19 yaş 88 günlük idi. Bu, 2004-cü ilin martında “Nyu Cersey Nets” ilə oyunda baş verib. Həmin vaxt idmançı “Klivlend Kavalers”də çıxış edirdi. “Qolden Steyt Uorriors” ilə son matçda Ceyms 42 xal toplayıb. İdmançı bunu 40 yaş 38 gündə bacarıb.