Leysan Utyaşevanın atası varlandı, ailəsinə münasibəti dəyişdi – FOTO

Gimnast Leysan Utyaşevanın həyatında hər şey düzəlməyə başlayanda – idmana qayıdışı, peşəkar hazırlıq və ilk xarici toplanışlardan sonra atası, tarixçi olan Albert, biznesmen olmaq arzusuna düşdü.

Allsport.az xəbər verir ki, o, böyük bir kommersiya şirkəti yaradaraq iki mağaza açdı. Bu isə ailədə problemlərə yol açdı: ata daha əsəbi oldu, bütün xərcləri nəzarət altına alır və hətta həyat yoldaşını işdən çıxararaq, biznesmenin həyat yoldaşı evdə oturmalı olduğunu bildirdi.

Ata ilə ana arasındakı mübahisələr artdı və Leysanın anası tez-tez ağlamağa başladı, amma bunu qızından gizlədirdi. Ata evə daha çox gecələr gəlməyə başladı, ana isə bunu işdəki sıxlıqla izah edirdi. Sonradan Leysan atasının gizlincə pul saxladığını öyrəndi.

Növbəti mübahisədən sonra ata evi tərk etdi, amma geri qayıdaraq ailəni tamamilə tərk etməyə cəsarət etmədi. Leysan, anasına kömək etməyə çalışdı, amma bütün bu cəhdlər boşa çıxdı.