“Məqsədimizə nail olduq”

“Real Madrid”in baş məşqçisi Karlo Ançelotti çempionlar liqasının 1/8 final mərhələsinin ilk oyununda evdə “Atletiko Madrid” üzərində qələbədən (2:1) sonra mətbuat konfransında iştirak edib.

Allsport.az xəbər verir ki, italiyalı mütəxəssis qarşılaşmanın çətin keçdiyini bildirib: “Həmişə olduğu kimi, “Atletiko”ya qarşı çətin oyun oldu. İlk dəqiqələrdə yaxşı idik, amma sonra Xulian Alvares qol vurdu. İkinci hissə daha yaxşı keçdi, yaxşı çalışdıq, məqsədimiz hesabda önə keçmək idi və buna nail olduq”.

“Atletiko” və “Real” arasında cavab oyunu martın 12-də keçiriləcək.