Məşhur xokkeyçi qəzaya uğrayıb

“Kolorado Evelanş”ın hücumçusu Valeri Niçuşkin avtomobil qəzasına uğrayıb.

Allsport.az xəbər verir ki, bu barədə komandanın baş məşqçisi Cared Bednar məlumat verib. Hadisə xokkeyçinin “Vaşinqton Kэpitals”la matça (5:2) yollanarkən baş verdiyi bildirilir.

Qəzadan sonra həkim müayinəsindən keçən Niçuşkində bədənin yuxarı hissəsinin yüngül xəsarətləri aşkar edilib. Bu səbəbdən o, son oyunu buraxmalı olub. Məşqçinin sözlərinə görə, idmançı təkrar müayinədən keçəcək və onun buz üzərinə nə vaxt qayıdacağı dəqiqləşəcək.