Məşqçilər şurasının iclası olub

Azərbaycan həndbol federasiyasının (AHF) qərargahında məşqçilər şurasının iclası keçirilib. Allsport.az saytı xəbər verir ki, toplantıda AHF-nin vitse-prezidenti Orxan Abbasov, idman şöbəsinin əməkdaşları və komandaların baş məşqçiləri iştirak ediblər.

Görüş zamanı ötən mövsüm ərzində məşqçilərin fəaliyyəti, mövcud vəziyyət və qarşıda duran vəzifələr haqqında danışılıb. Sonra 32-ci Azərbaycan çempionatının reqlamenti, keçirilmə sistemi və oyun cədvəli barədə ətraflı məlumat verilib.

Müzakirələrin yekunu olaraq müvafiq qərarlar qəbul olunub.