”Milan”dan “Fənərbağça”ya keçir

“Fənərbağça” hücum xəttini “Milan”ın fransalı ulduzu Kristofer Nkunku ilə gücləndirmək istəyir.

Allsport.az xəbər verir ki, İstanbul klubu 28 yaşlı futbolçunu 30-35 milyon avro civarında bir məbləğlə heyətinə qatmağı hədəfləyir. Baş məşqçi Domeniko Tedeskonun vaxtilə “Leyptsiq”də birlikdə işlədiyi Nkunku ilə şəxsən maraqlandığı bildirilir.

Fransalı Nkunku cari mövsüm “Milan”da 15 oyunda 3 qol və 2 məhsuldar ötürmə ilə yadda qalıb.