MOK-un 30 illik yubileyinə kubok yarışı

İyulun 2-də Şüvəlan qəsəbəsində yerləşən ağır atletika akademiyasının yarış zalında milli olimpiya komitəsinin 30 illiyinə kubok yarışı keçirilib. Turnirin təşkilində məqsəd MOK-un 30 illik yubileyinin təntənəli şəkildə qeyd olunması, yığma komandanın yaş qrupları üzrə idmançılarının hazırlıq səviyyəsinin qiymətləndirilməsi və 5-ci İslam həmrəyliyi oyunlarına idmançıların seçilməsi olub.

Yarışda qadınlar 1, kişilər isə iki qrupda Sinkleyr cədvəli üzrə mütləq qalibi müəyyən ediblər. Zərif cinsin nümayəndələri arasında qızıl medala 232.7 xalla Anastasiya Moum layiq görülüb. Gümüş medala 223.2 xalla Elnarə Abbasova, bürünc medala isə 214.7 xalla Fidan Mirzəzadə sahib çıxıb.

Kişilərdə ilk qrupda çəkisi 55, 61, 67 və 73 kq çəkili atletlərin mütləq qalibini müəyyən ediblər. Burada İsa Rüstəmov 396.02 xalla qızıl, Paşa İbrahimli 388.21 xalla gümüş və Murad Əliyev 382.37 xalla bürünc medal qazanıb

İkinci qrupda isə çəkisi 81, 89, 96, 102, 109 və +109 kq olan kişilər çıxış ediblər. Burada 402.94 xalla Dadaş Dadaşbəyli fəxri kürsünün ən yüksək pilləsinə qalxıb. Sonrakı yerləri müvafiq olaraq 385.86 xalla Əli Şükürlü və 373.38 xalla Füqan Əliyev tutublar.

Həmin kateqoriyadan

AzerbaijaniEnglishRussianTurkish