MOK-un nümayəndə heyəti İHİF-nın baş assambleyasında iştirak edib

Milli olimpiya komitəsinin (MOK) və İslam həmrəyliyi idman federasiyalarının (İHİF) vitse-prezidenti Çingiz Hüseynzadə, MOK-un baş katibi Azər Əliyev və xarici əlaqələr şöbəsinin direktoru Anar Bağırov İHİF-in Səuddiyyə Ərəbistanının Ciddə şəhərində keçirilən növbədənkənar baş assambleyada iştirak ediblər.

Toplantıda İHİF-in prezidenti şahzadə Əbdüləziz ibn Türki əl Fasial əl Saud və İHİF-in rəsmi nümayəndələri çıxış ediblər. İHİF-nın 13-14 mart tarixlərində keçiriləcək baş assambleyasında 2023-cü ilin oktyabr ayında Səudiyyə Ərəbistanında keçiriləcək dünya döyüş oyunları ilə bağlı müzakirələr aparılıb.

İHİF-in vitse-prezidenti Çingiz Hüseynzadə həmçinin, icraiyyə komitəsinin iclasında iştirak edib, eləcə də toplantı çərçivəsində İHİF-in prezidenti şahzadə Abdulaziz ibin Turki əl Fasial əl Saud ilə görüşüb.