Mourinyoya sərt cəzalar

“Fənərbağça”nın baş məşqçisi Joze Mourinyo 4 oyunluq disklafikasiya olunub.

Allsport.az xəbər verir ki, Türkiyə futbol federasiyası bu qərarı super liqada “Qalatasaray”la oyundan (0:0) sonra verib. Portuqaliyalı mütəxəssisin həm Türkiyə futbol ictimaiyyətinə, həm də hakimlərə qarşı aşağılayıcı və təhqiredici ifadələr işlətdiyi üçün iki oyunluq cəza və 117 min türk lirəsi məbləğində cərimələnib.

Mourinyo “cim-bom”la matçdan sonra mətbuat konfransında dediyi sözlərə görə də daha iki oyunluq disklafikasiya olunub. Buna səbəb onun rəqib oyunçularını “meymunlar kimi tullandığını” deməsi olub. Joze, həmçinin 1 milyon 500 min türk lirəsi cərimələnib.