Murad Musayev yenə ən yaxşı seçildi

“Krasnodar”ın baş məşqçisi Murad Musayev noyabr və dekabr üçün Rusiya premyer liqasının ən yaxşı məşqçisi seçilib.

Allsport.az xəbər verir ki, 42 yaşlı mütəxəssis səslərin 31,57%-ni toplayıb. Andrey Talalayev (“Baltika”) 24,49% səslə ikinci yeri, Mixail Qalaktionov (“Lokomotiv”) isə 23,25% səslə ilk üçlüyü tamamlayıb.

Noyabr və dekabrda “Krasnodar” üç oyunda qalib gəlib və iki heç-heçə edib. Komanda 18 turdan 40 xala malikdir və turnir cədvəlinə başçılıq edir.