Nazirlik əməkdaşları qəza qurbanlarını anıblar

Bakı-Qroznı reysini yerinə yetirən sərnişin təyyarəsinin Qazaxıstanın Aktau şəhəri yaxınlığında qəzaya uğraması nəticəsində çoxsaylı insanların tələfatı ilə əlaqədar olaraq dekabrın 26-da Azərbaycanda matəm elan edilib.

Allsport.az xəbər verir ki, bu gün gənclər və idman nazirliyinin əməkdaşları Heydər Əliyev adına beynəlxalq hava limanının qarşısına gələrək həyatlarını itirən faciə qurbanlarının xatirəsini anıb və gül dəstələri qoyublar.