Odlar yurdunun cüdo əfsanələri ilə vida

Heydər Əliyevin 100-illiyinə Bakı “Böyük dəbilqə” turnirinin 2-ci günündə yerli və beynəlxalq cüdo ictimaiyyəti böyük idman aləmində silinməz iz qoymuş Rüstəm Orucovu, Orxan Səfərovu və Məmmədəli Mehdiyevi yola salıb.

Allsport.az saytı xəbər verir ki, bu həyəcanlı və təsirli tədbir Milli gimnastika arenasında baş tutub.

Burada idmançıların karyeraları boyu göstərdikləri fədakarlıq, əzmkarlıq və cüdo dəyərlərinə dönməz sədaqət kimi xüsusiyyətləri örnək göstərilib.