Prezident kubokunun açılışı

Ümummilli lider Heydər Əliyevin 102-ci ildönümünə həsr edilən “Prezident kuboku-2025” beynəlxalq reqatasının rəsmi paradı aprelin 29-u Mingəçevir şəhərində Heydər Əliyev prospektində keçirildi.

Allsport.az xəbər verir ki, saat 14:00-dan etibarən başlayan tədbirdə komandaların sıra ilə keçidi və təqdimatı baş tutdu. Açılış çərçivəsində Heydər Əliyevin abidəsi ziyarət olundu, onun önünə gül dəstələri qoyuldu və xatirəsi ehtiramla anıldı.

Bu yarışda 20 dövlət iştirak edir. Rəsmi hissədən sonra müxtəlif rəqs və musiqi nömrələri təqdim edildi. Şənlik yerli sakinlər tərəfindən maraqla qarşılandı.