Qərb bölgəsi üzrə birincilik

8–9 noyabrda U-14 və U-17 yeniyetmələr arasında qərb bölgəsi üzrə region birincilikləri keçiriləcək. Allsport.az xəbər verir ki, turnirlərdə Gəncə, Goranboy, Naftalan, Qazax və Tovuz cüdoçuları mübarizə aparacaq.

Yarışların keçirilməsində məqsəd yeniyetmə cüdoçu bazasını formalaşdırmaq və kvotalar əsasında ölkə birinciliyində iştirak edəcək idmançıları müəyyənləşdirməkdir. Həmçinin, U-17 üzrə birincilik milli komandanın heyətinə seçim üçün vacib reytinq xalları qazandıracaq.

Məkan: Goranboy olimpiya idman kompleksi