Forgot Password New Account
Gəzən xəbər

“Qarabağ Azərbaycandır!” onlayn beynəlxalq şahmat turniri

Şahmat
1 dekabr 2020 / 12:12 Baxış sayı: 152

Dekabrın 5-6-da “Qarabağ Azərbaycandır!” onlayn beynəlxalq şahmat turniri keçiriləcək. Allsport.az saytı xəbər verir ki, 17 yaşlılar arasında yarış seçmə və final olmaqla 2 mərhələdən ibarət olacaq.

Seçmə mərhələdə Azərbaycanın məktəbli şahmatçılarından 50, digər ölkələrin hər birindən isə 10 şahmatçı iştirak edəcək. Bu mərhələ üzrə ilk 30 yeri tutmuş şahmatçı finala vəsiqə qazanacaq. Beynəlxalq reytinqi 2400-dən yuxarı olan şahmatçılar birbaşa final mərhələsində iştirak hüququ qazanacaqlar.

Turnirin “YouTube” vasitəsilə birbaşa yayımlanması nəzərdə tutulub. Yarışın əsasnaməsinə uyğun olaraq, qaliblərə diplom və pul mükafatı təqdim olunacaq.

“Qarabağ Azərbaycandır!” onlayn turnirinin keçirilməsində məqsəd Azərbaycannın ərazi bütövlüyünün bərpasının qeyd edilməsi, dünyada koronavirus (COVID-19) pandemiyasının geniş yayılması ilə əlaqədar tətbiq olunan karantin dövründə məktəblilərin asudə vaxtlarının səmərəli təşkili, müasir texnologiyalardan istifadə etməklə şahmatçıların yarış təcrübələrinin artırılmasından ibarətdir.

Turnir “Təhsil” respublika idman mərkəzinin təşkilatçılığı, Təhsil nazirliyinin və Azərbaycan şahmat federasiyasının dəstəyi ilə olacaq.

Həmin kateqoriyadan