“Qarabağ” azarkeşləri üçün ayrılmış biletlər satışa çıxarılır

UEFA Avropa liqasının əsas mərhələsi çərçivəsində keçiriləcək “Elfsborg” (İsveç) – “Qarabağ” matçını “Borås arena”da izləmək və komandamızı dəstəkləmək istəyən azarkeşlər üçün ayrılmış vauçerlər bu gün saat 12:00-dan etibarən iTicket.az-da onlayn şəkildə satışa çıxarılacaq. Azarkeşlərimiz əldə etdikləri vauçerləri oyun günü saat 16:00-dan 18:00-a kimi “Scandic Plaza Borås” (Allégatan 3, 503 32 Borås, Sweden) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 30 AZN-dir.

“Elfsborg” – “Qarabağ” oyunu dekabrın 13-ü saat 00:00-da (Bakı vaxtı ilə) start götürəcək.