“Qarabağ”a məğlubiyyətdən sonra istefaya səslədilər

Konfrans liqasının qrup mərhələsində “Qarabağ”a məğlubiyyətdən sonra (1:2) Qazaxıstanın “Kayrat” klubunun azarkeşləri komandanın baş məşqçisi Qurban Berdıyevin istefasını tələb edirlər.

Allsport.az xəbər verir ki, “Kayrat”ın azarkeşləri klub rəhbərliyindən 69 yaşlı türkmən mütəxəssisin istefaya göndərilməsini istəyirlər. Onlar komandanın əvvəlki baş məşqçi Aleksey Şpilevskinin geri qaytarılmasını tələb edirlər.

“Qarabağ” konfrans liqasının “H” qrupunda 7 xalla 2-ci, “Kayrat” isə 1 xalla 3-cü sırada yer alıb.