Forgot Password New Account

“Qarabağ”ın Reynaldusu sərxoş vəziyyətdə yaxalandı

Futbol
17 noyabr 2014 / 16:10 Baxış sayı: 728

“Qarabağ”ın hücumçusu Reynaldunun son zamanlar optimal formasından uzaq olmasının səbəbi bəlli olub. Allsport.az saytının publika.az-a istinadən məlumatına görə, braziliyalı gecə həyatına və spirtli içkilərə meyil etdiyindən oyunu da istədiyi səviyyədə alınmır. Bildirilir ki, futbolçunu bir neçə gün öncə şəhərin mərkəzindəki gecə klublarından birindən içkili vəziyyətdə çıxarkən görüblər.

Komanda yoldaşı və həmyerlisi Riçard Almeyda və daha iki xanımla “Kia optima” markalı avtomobilə əyləşən “sambaçı”nı bir neçə metrdən sonra yol polisi saxlayıb. Almeyda sükan arxasında olmadığından ona heç bir cərimə yazılmayıb. Reynalduya isə içkili vəziyyətdə avtomobil idarə etdiyinə görə protokol tərtib edilib.

Qeyd edək ki, son günlər həm ölkə mediası, həm də futbol mütəxəssisləri bu futbolçunun imkanlarından aşağı səviyyədə çıxış etdiyini bildirirlər. Görünür, “sambaçı” əksər həmyerliləri kimi bir qədər pul və şöhrət qazanandan sonra gecə həyatı yaşamağa başlayıb. Bu arada qeyd etmək yerinə düşər ki, “Qarabağ”ın baş məşqçisi Qurban Qurbanov da bir neçə gün öncə mətbuata müsahibəsində Reynaldunun xarakterində problem olduğunu və lazım gələcəyi halda, onun cəzalandırılacağını söyləmişdi.

Həmin kateqoriyadan