Rafiq Hüseynovdan Tokio olimpiadasına növbəti lisenziya!

Bolqarıstan paytaxtı Sofiyada güləş üzrə dünya olimpiya təsnifatı davam edir. Allsport.az saytı xəbər verir ki, yarışın 3-cü günündə xalçaya “klassiklər” çxıblar. Bu növdə mübarizə aparan 5 təmsilçimizdən yalnız biri ümidi doğruldub.

Koreya, Hindistan və Əlcəzair yunan-Roma güləşçilərini xal vermədən böyük üstünlüklə yenən Rafiq Hüseynov (77 kq), yarımfinalda serbiyalı həmkarına 4:1 qalib gələrək, Tokio-2020 olimpiadasına vəsiqə qazanıb.

Bu, onun olimpiya oyunlarına ilk lisenziyasıdır.