Respublika gününə həsr olunan yarışda hansı stolüstü tennisçilər fərqləndi?

“Şüa” idman kompleksində 28 may Müstəqillik gününə stolüstü tennis üzrə ənənəvi “Top-8” turniri keçirilib. Allsport.az saytı xəbər verir ki, yarışa ölkə çempionatında ilk 8 yeri tutan idmançılar qatılıb. Açılışda iştirakçıları salamlayan ASTF-in baş katibi Könül Mikayılova, bu cür turnirlərin qarşıdakı beynəlxalq yarışlara hazırlıq baxımından əhəmiyyətli olduğunu bildirib.

Şəxsi xarakter daşıyan yarışda kişilərdən Emin Məmmədov, Adil Əhmədzadə, Nihad Məmmədov, Vəzir Allahverdiyev, Hüseyn Eylazov, Xəyal Həşimli, İbrahim Ansari, Əliverdi Şahgəldiyev qüvvəsini sınayıb. Qadın tennisçilərdən isə, Rüfət Əliyeva, Məryəm İmanova, Nəzakət Qarayeva, Mərziyə Nürmətova, Ləman Abdulhəmidova, Zemfira Mikayılova, Aliyə Haşımova və Billurə Eminova qələbə uğrunda mübarizə aparıb.

Dairəvi sistem üzrə 2 yarımqrupda keçirilən turnirin nəticələrinə əsasən kişi tennisçilərdən Emin Məmmədov baş mükafata layiq görülüb. Vəzir Allahverdiyev 2-ci, Nihad Məmmədov 3-cü yeri tutub. Qadınların yarışı Ləman Abdulhəmidovanın qələbəsi ilə yekunlaşıb.

İlk üçlüyü müvafiq olaraq Mərziyyə Nurmətova ilə Nəzakət Qarayeva tamamlayıb. Stolüstü tennisçilərin idman ustalığını artırmaq, qarşıdakı beynəlxalq yarışlara hazırlıq və bu idman növünün təbliği məqsədi ilə keçirilən turnirin qaliblərinə Azərbaycan Stolüstü Tennis Federasiyasının diplom və hədiyyələri təqdim olunub.

Həmin kateqoriyadan

AzerbaijaniEnglishRussianTurkish