Sablyaçımız 1/16 finalda büdrədi

Tiflisdə sablyaçıların dünya kubokununda qadınların şəxsi çıxışlarına yekun vurulub.

Allsport.az saytı xəbər verir ki, reytinqi yüksək olduğundan mübarizəyə əsas mərhələdən qoşulan Anna Başta ilk görüşündə Lusia Martinə (İspaniya) 15:9, sonra yaponiyalı Şihomi Fukuşimanı 15:14 qalib gəlib. O, 1/16 finalda fransalı Manon Brunetə 13:15 yenilib.

Əsas mərhələyə təsnifatdan yüksələn Səbinə Kərimova ilk görüşdə rusiyalı Olqa Nikitinaya 8:15 məğlub olub. Digər təmsilçimiz Sevil Bünyatova isə əsas mərhələdə Gürcüstan sablyaçısı Teodora Kakhianiyə 9:15 uduzub.