Sakinlər pedal çevirərək enerji yaradıb

“Avropa Mobillik Həftəsi” çərçivəsində Bakıda 16-22 sentyabrda davamlı hərəkətliliyə yönələn tədbirlər keçirilib.

Allsport.az xəbər verir ki, bu münasibətlə ayrılmış zonada gənclər və idman nazirliyi tərəfindən E-bike avadanlığı quraşdırılıb.

Böyük maraq doğuran bu avadanlıq vasitəsilə vətəndaşlar pedal çevirərək enerji yaradıb və mobil telefonlarını doldurmaq imkanı qazanıblar. Gün ərzində 500 nəfərə yaxın iştirakçı E-bike qurğusundan istifadə edərək həm sağlam həyat tərzini təşviq edib, həm də alternativ enerji mənbələrinin üstünlüklərini praktiki şəkildə sınayıb.