Forgot Password New Account
Gəzən xəbər

Samir Abbasov: “Oyundan razı qaldığımı deyə bilmərəm”

Futbol
22 noyabr 2020 / 18:00 Baxış sayı: 71

“Neftçi”inin yeni baş məşqçisi Samir Abbasov premyer liqanın 10-cu turunda “Qəbələ” ilə matçdan sonra mətbuat konfransında fikrini açıqlayıb. Allsport.az saytı xəbər verir ki, o, 4:1 hesablı qələbəyə baxmayaraq, oyundan razı qalmadığını söyləyib:

“Oyun başqa hesabla bitsəydi belə, bunu anlayışla qarşılayacaqdım. Çünki ilk görüşdür. Yeni baş məşqçinin istədiklərini həyata keçirmək, oyunda tətbiq etmək hər bir futbolçu üçün çətindir. Bunun öhdəsindən bu cür oyunçularla gələcəyimizə inanıram.

Oyundan razı qaldığımı deyə bilmərəm. Matça kimi də bəzi problemlərimiz var idi. Bütün komanda şəklində məşq etməmişdik. Əsas heyətin 6-7 üzvü ilə hazırlıq keçirdik. Millinin düşərgəsində olanlar sonradan qoşuldular.

Əfsuslar olsun, bütün dünyada olan pandemiya bizim futbolçuları da tutdu ki, bu da planlarımıza mane oldu. Bununla belə, Allaha şükür, buradan qalib ayrılırıq. İnanıram ki, oyunumuz getdikcə yaxşılaşacaq”.

Həmin kateqoriyadan