Stronqmen üzrə Avrasiya çempionatı

İyunun 24-26-da Bakı su idmanı sarayının ərazisində stronqmen üzrə Avrasiya çempionatı keçiriləcək. Allsport.az saytı xəbər verir ki, turnirdə Azərbaycan, Türkiyə, İran və Gürcüstandan 170-dək idmançı mübarizə aparacaq.

Onlar strikt karl, benç press və didlift hərəkətlərində müxtəlif çəkilər üzrə 55 dəst medal uğrunda güclərini sınayacaqlar.

Turnirin açılışı iyunun 25-də saat 16:00-da keçiriləcək.​ Çempionatda ölkəmizi 100-dək idmançı təmsil edəcək.​